ମୁମ୍ଵାଇ ୦୪।୧୧: ସୋନାକ୍ଷୀ ସିହ୍ନା ଏବଂ ଜହିର ଇକବାଲ। ଦୁହେଁ ୭ବର୍ଷ ପରସ୍ପରକୁ ଡେଟ କରିବା ପରେ ଚଳିତ ବର୍ଷ ଜୁନ୍ ମାସରେ ଅତି ସରଳ ଏବଂ ସୁନ୍ଦର ଶୈଳୀରେ ପରସ୍ପରକୁ ବିବାହ କରିଥିଲେ। ଏହି ବିବାହରେ ଦମ୍ପତିଙ୍କ ପରିବାର ସଦସ୍ୟ ଏବଂ କିଛି ଘନିଷ୍ଠ ବନ୍ଧୁ ଉପସ୍ଥିତ ଥିଲେ। ଅଭିନେତ୍ରୀ ବିବାହ କରିବା ପରେ କ୍ରମାଗତ ଭାବରେ ସୋସିଆଲ ମିଡିଆରେ ଫଟୋ ସେୟାର କରୁଛନ୍ତି ।ନିକଟରେ ଦୁହେଁ ସେମାନଙ୍କର ପ୍ରଥମ ଦୀପାବଳୀ ପାଳନ କରିଥିଲେ ।ଫଟୋ ଦେଖି ଲୋକମାନେ କହୁଛନ୍ତି ଯେ ଅଭିନେତ୍ରୀ ଖୁବ୍ ଶୀଘ୍ର ଖୁସି ଖବର ସେୟାର କରିପାରନ୍ତି।
ସୋନାକ୍ଷୀ ଏବଂ ଜହିରଙ୍କ ପ୍ରଥମ ଦୀପାବଳୀ
ଉଭୟ ସୋନାକ୍ଷୀ ଏବଂ ଜହିର ସୋସିଆଲ ମିଡିଆରେ ବହୁତ ଆକ୍ଟିଭ ଏବଂ ସେମାନଙ୍କର ସମସ୍ତ ଯାତ୍ରା ଏବଂ ମଜାଳିଆ ଭିଡିଓ ପ୍ରଶଂସକଙ୍କ ସହ ସେୟାର କରନ୍ତି । ଯେତେବେଳେ ଏହି ଦମ୍ପତି ସେମାନଙ୍କର ପ୍ରଥମ ଦୀପାବଳୀ ପାଳନ କଲେ, ସେମାନଙ୍କର ଫଟୋ ପ୍ରଶଂସକଙ୍କ ହୃଦୟରେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଥିଲେ । ଏହି ସମୟ ମଧ୍ୟରେ ଅଭିନେତ୍ରୀଙ୍କ ଗର୍ଭଧାରଣ ବିଷୟରେ ଅନେକ ଆଲୋଚନା ହେଉଛି।
ସୋନା ଏବଂ ଜହିରଙ୍କ ରୋମାଣ୍ଟିକ ଫଟୋ ଭାଇରାଲ ହେଉଛି
ଦୀପାବଳୀ ଅବସରରେ ସୋନାକ୍ଷୀ ସିହ୍ନା ଏବଂ ଜହିର ଇକବାଲ ଏକ ଫଟୋସୁଟ କରି ଏହାକୁ ସୋସିଆଲ ମିଡିଆ ଇନଷ୍ଟାଗ୍ରାମରେ ସେୟାର କରିଛନ୍ତି ଏବଂ ଦୁହେଁ ଏଥିରେ ବହୁତ ସୁନ୍ଦର ଦେଖାଯାଉଛନ୍ତି। ଏହି ଫଟୋ ଗୁଡ଼ିକରେ ଅଭିନେତ୍ରୀ ଏକ ଲାଲ୍ ସୁଟ୍ ପିନ୍ଧିଥିବାର ନଜର ଆସିଛନ୍ତି। ସୋନାକ୍ଷୀ ମୁଣ୍ଡରେ ସିନ୍ଦୁର, ବେକରେ ହାର ଏବଂ କପାଳରେ ବିନ୍ଦି ପିନ୍ଧି ବହୁତ ସୁନ୍ଦର ଦେଖାଯାଉଛନ୍ତି। ଉଭୟଙ୍କର ରୋମାଣ୍ଟିକ୍ ଫଟୋ ଭାଇରାଲ ହେବାରେ ଲାଗିଛି । ଏହି ସମୟରେ କୁକୁରକୁ ଧରି ଏକ ସୁନ୍ଦର ପୋଜ୍ ଦେଉଥିବାର ନଜର ଆସିଛନ୍ତି ।
ୟୁଜର୍ସମାନେ ଅଭିନେତ୍ରୀଙ୍କୁ ଅଭିନନ୍ଦନ ଜଣାଇଛନ୍ତି
ଫଟୋ ଦେଖିବା ପରେ ୟୁଜର୍ସମାନେ ଅନୁମାନ କରୁଛନ୍ତି ଯେ ସୋନାକ୍ଷୀ ସିହ୍ନା ଗର୍ଭବତୀ ଅଟନ୍ତି । ଅନେକ ୟୁଜର୍ସ ଅଭିନେତ୍ରୀଙ୍କୁ ମନ୍ତବ୍ୟ ଦେଇ ଅଭିନନ୍ଦନ ଜଣାଇଛନ୍ତି। ଜଣେ ୟୁଜର୍ସ ମନ୍ତବ୍ୟ ଦେଇଛନ୍ତି, 'ସେ ଗର୍ଭବତୀ କି?' ଅନ୍ୟ ଜଣେ ୟୁଜର୍ସ ଲେଖିଛନ୍ତି, ' ବେବି ପାଇଁ ଅଭିନନ୍ଦନ। କହିବାକୁ ଗଲେ ଯେ ଏହା ପ୍ରଥମ ଘଟଣା ନୁହେଁ, ଏହା ପୂର୍ବରୁ ମଧ୍ୟ ଏହି ଖବର ସୋସିଆଲ ମିଡିଆରେ ଅନେକ ହଇଚଇ ସୃଷ୍ଟି କରିଥିଲା।
